Kaupapa: Rugby

He wikitōria mā te kapa Ōpango Māori i te tukinga tuatahi ki te kapa Hapani

I haukerekere rātou i te kapa tangata whenua ki Kobe, ono tekau mā tahi ki te rua tekau mā tahi.

Nā Chris Eves te piro tuatahi a ngā Māori.

I āwhina hoki te kaitākaro nō te kapa Manawatū i te pironga tuarua, kia riro i tana hoa kaitākaro a Jason Emery.

I piro te kaitākaro nō Tāmaki a Sean Polwart i raro tonu i ngā pou, ā, nā te noho a ngā kaute ki te rua tekau mā rima piro ki te kore, i whakaaro ake te marea, ko te kapa Māori anake te kapa ka whai piro.

Heoi anō, kāre a Hapāna i te tuohu noa, he piro hāmene te whai a te hau kāinga.

I hua ake a Amanaki Lelei Mafi i raro tonu i ngā pou, kia piro a Hapāna mō te wā tuarua.

Heoi, kāre i roa, ka puta anō tētahi kaitākaro nō Manawatu, ko Nehe Milner-Skudder i te kokonga.

I whai piro te kāpene a Charlie Ngātai raua ko James Lowe, ā, he piro hāmene anō te hua a Hapāna.

Kia 61-21 ngā tatau whakamutunga.

Ka tūwhera anō te tatau ki a Hapāna ki Tokyo hei te wiki e tū mai nei.