He wikitōria anō tō te kapa Black Sticks Wāhine

Kua rangatira anō te tākaro a te kapa Black Sticks wāhine i te whakataetae whiringa whāiti FIH, i a rātau e aru tūnga ana ki te whakataetae Orimipia ka tū ki Rio a tērā tau.  Ko Īnia i noho parurenga ki a rātau 5-0.

Nā te kai hahau haemata, nā Gemma Flynn i whakataki i te tukinga nei i te mēneti tuangahuru.  Nō te mēneti tuarua noa iho o te hauwhā tuarua kitea ai te waha o te kūpenga e Olivia Merry.

Ahakoa he rua ki te kore ngā tatau i te haurua, he huti riha tā te kaiako mahi. 

I te hauwhā tuatoru ko Gemma Flynn i eke ki tana piro tuaono o te whakataetae.  Nā Pearce te tukinga i whakakapi me āna piro e rua, kia 5-0 te hua. 

 Ka tuki atu te kapa Black Sticks wāhine ki te kapa tuarua o te ao, ki a Ahitereiria hei te Rāmere.