He whetu maiangi poitūkohu

James Perry

Tekau mā toru noa tōna pakeke, kei te aro tonu a Rewi Va'a ki āna moemoea.

He whetū maiangi a Va'a i te hākinakina poitūkohu, kua tākaro nei ia mō te kapa Capital Black i te whakataetae AON a motu mo te rangatahi raro i te tekau mā rima tau te pakeke i Tāmaki Makaurau.

Hei tāna, "ko tōku tino whainga kia uru ki ngā ki tētahi tima ā rohe, me te NBA hoki."

Ko ngā Boston Celtics tōna tino kapa NBA. E hāngai ana a Va'a i tāna kēmu ki te toki o Boston, ki a Kyrie Irving. Ko te mea miharo o Irving kia Va'a ko āna pukenga mō te hāere ki te piro, hei tāna, "he tino māmā mōna."

Ko Monica Mercury tētahi o ngā kaiako i te Whanganui-a-Tara, hei tāna, kei a Va'a ngā pūkenga e eke ai ia ki ngā taumata, "he tino kaha ia, he tino - haere tonu, haere tonu, haere tonu i ngā kēmu, you know i a rā, i a rā so tino pai ia."

Kua rua tau noa a Va'a e takaro poitūkohu ana, heoi kua whakakanohi tonu ia i a Aotearoa i Ahitereiria. Ko te mea i rata ki a ia  "ko te whakawhanaunga ki ngā atu tangata." I tuki ia ki ngā kapa o Poipiripi me Poihākena nōna i Ahitereiria.

Kāore tōna kapa Capital Black i tino eke ki nga taumata angitu i tēnei tau, heoi e mōhio nei a Va'a me aha ia hei tērā tau e hāpai ake i tōna kapa, "awhina i ōku hoa, ki te awhina mō ngā piro, ki te tautoko i ā rātou hoki."

Ko Rewi Va'a tētahi whetū poitūkohu ka kaha kite mō ngā tau e heke mai nei.