He whetū kei te tipu mai i te aō Poitūkohu ko Tai Wynyard

Te Kāea

He whetū maiangi, e rua mita tōna teitei, he tekau mā ono noa iho ōna tau, ko Tai Wynyard tōna ingoa. He kaitākaro poitūkohu o Ngāpuhi me Ngāti Maniapoto, e whai ana i ngā manako o tōna pāpā, o Jason Wynyard, he tohunga o te hākinakina tua rākau, i tōna ake ara.

Tai Wynyard, toa tohu tākaro Māori mo tēnei tau rua mano tekau ma whā.

E rere tonu ana te hihikotanga i roto i te rangatahi Māori nei mo ngā whiwhinga kua riro ki a ia. Ā, he tekau ma ono tau noaiho tōna pakeke, he mema mo te kapa Tall Blacks e takahi ana i ngā whenua maha, he kaitakaro kei roto hoki i te kapa whānui o ngā NZ Breakers. 

Ko tōna whāinga mo te tau hou, ko te riro karahipi kia uru atu te whetu maiangi nei ki ngā whare wānanga poitūkohu ki Amerika. He moemoea tēnei i pupū ake ki roto i a ia whai muri i tōna haerenga ki Hāina i tēnei tau. 

Engari mo naianei, ko te tino wero ko te whakakii i tōna kete ki ngā whakaakoranga o ngā tohunga mai i te tira Breakers, rātou e noho tonu ana ki te tūranga tuatahi o te tauwhāinga ANBL. 

Nōreira kua oti te tau ruamano tekau ma whā mo Wynyard, he aha kei tua mōna, te tino wero e kainamu nei.