He wharanga ki a O’Malley tōmua i te whakataetae

Tamati Tiananga
  • Waikato/Te Waiariki

Ka hoki atu te toa whakawhena uaua a Kenny O'Malley ki te atamira, whakataetae ai, whai muri i tana wharanga.

Na te wharanga nei ka whakatahangia e ia. I te wā e whakakaha ana ia i tona uarua, ka tīhae tona iohere.   

E ai ki ngā kitenga a te tākuta mātai hihi iratuki, e ai ki a tākuta Peter Gendall me hāparaparatia te iohere o O'Malley  

E ai ki te toa NZIFBB o te tau rua mano ngahuru ma toru, ka ono marama te roa ki a whakarauora i taua wharanga, noreira kua waiho mō muri i te whakataetae.    

Ka uru atu te toa toru tekau ma rima tau te pakeke ki te wahanga Classic, ka whai atu i ngā tapuwae i takahia e tana teina i te rua mano ngahuru ma whitu, he toa whakawhena uaua, ko Teina O'Malley tona ingoa .   

He nui ngā panonitanga ki tana mahere parawhakawai. A ahakoa te mamae o tana uarua, ka whakangungu tonu ia me te whainga kia eke ki runga i te atamira NZIFBB Pro/Am hei enei rangi okioki ki te taiwhanga o Victoria, ki Tāmaki