He whara kua whakararu i a Parker

Tamati Tiananga

Kua whakatūturu ake a Joseph Parker i tōna pānga ki te taitara ā-motu i te reanga taumaha rawa atu. Nā te wikitōria nei, kua riro i a Parker tētahi o ngā taitara taumaha rawa atu e rua o Aotearoa.  Ko te tuarua kei a Sonny Bill Williams, ā, he tukinga pea i waenga i te tokorua nei kei te haere ake.

Kua tae mai te rongo ki a Te Kāea, ka whawhai atu a Robert "The Butcher" Berridge ki a Daniel McKinnon i tenei tau, inapo ra i patua rawatia e Berridge tana hoariri no Aketina

I tae atu te maunga whakahï no Rongomaiwahine a Shane Cameron ki te huihuinga pō whawhai, a, e hiakai ana ia kia puta ano ki te mura o te ahi  

Engari hei tā Parker, e kore ia mo te whawhai atu ki te toa o mua o Aotearoa.  Ko te urupare a Parker, he koke whakamua, ko Sonny Bill Williams kei te pae tawhiti me te wawata ka pakanga rāua hei te ono marama e heke mai nei.