Kaupapa: Rugby League

He whakatairanga i ngā pūkenga rīki te mahi a ngā rangatahi kei te whakataetae ā-motu

  • Waikato/Te Waiariki

He rangi mokopuna te rangi tuarua o te whakataetae rīki ā-motu taina e tū ana ki Puketāwhero i Rotorua.  I tēnei tau i arohaehaetia ngā pukenga tākaro e ngā kaiwhiriwhiri o Aotearoa, ngā kaikimi NRL, me tētahi whetū o te NRL i tae ohorere atu.

E wera ana te rangi tuarua o te whakataetae rīki ā-motu taina, ā, kua tae ohorere mai a Ben Barba ki te rapu pūmanawa.

He wāhi aru tēnei mā ngā kaikimi NRL, I te tauwhainga i tu i tērā tau tokotoru ngā kaitākaro i hunuku ki Ahitereiria i roto i te ono wiki i muri i te whakataetae.

I rere atu a Wipere Takitimu ki tētahi hopuni Titans i te tīmatatanga o tenei tau, 14 noa iho ōna tau.  Ko ia tetahi o ngā kaitākaro makau o te whakataetae, i muri i te rangi tuatahi kua rua kē ngā karapu kua rata atu ki ōna pūkenga.

Hei tā Takitimu, “Ki au nei he pai ki te kite i ngā whetū me kii, o te rīki, nā te mea ka taea mātau ngā taiohi te titiro ki a rātau."