He whakapakari tīnana, he whakarauora Reo

James Perry

He whakapakari tīnana, he whakarauora Reo anō hoki te aronga o Natalie Muller o Ngāpuhi i ōna karaehe whakapakari tinana i Tāmaki Makaurau. 

Pō tonu ana te Ao ki Te Punarere a Maruiwi, e haruru tonu ana Te Reo Rangatira.

Kua whakaritehia e Natalie Muller i ōna akoranga High Interval Intensity Training ki Te Reo Māori. Kua kōtahi tau ia whakahaere karaehe whakapakari tīnana, ka mea atu tētahi ō āna hoa kia whakarite he wā, he wāhi hoki hei whakapakari tinana mā te hunga e rata ana ki te Reo Māori. Hei tāna, "I whakaaro au āe, he pai!"

E rima ngā karaehe ō Muller ia wiki, ā mō ngā wiki e tū mai nei ka whakamāoritia katoatia e ia i ngā karaehe e rua nei. 

Ko Riki Teteina te tumuaki o te kura o Newton Central, tētahi o ngā kura e mahi nei a Muller. Koia hoki tētahi kei te tautoko i ngā mahi nei. Hei tāna, ko te whai wāhi atu kia noho rūmaki nei ki te Reo Māori, ia rātou e whakangūngū ana te mea nui. Mā te aha i te whakapakari tinana e ako ai i Te Reo Māori.

Hei tāpiri anō, e ai kia Teteina, e piki ana ngā nama o te hunga e whai ana i Te Reo Māori, mā te uru i ngā karaehe ā Muller e manahau ai te akoranga.

Kātahi anō a Muller ka timata i ngā mahi nei, hēoi kua whātoro atu ngā tangata o rohe kē atu. Hei tā Muller, "ko āku tumanako, he timatanga mō ngā rōpū, mō ngā tangata kia pēnei tonu i roto i o rātou ake rōpū."

I a ata, hei te ono karaka, mō ngā wiki e whitu e tū mai nei, ka kaha rere te tōtā, me Te Reo Māori ki Te Punarere o Maruiwi.