Kaupapa: Netball

He whakapakari pūkenga ki runga, ki te taha hoki o te kōti

James Perry

E whakarite ana a Ahurea Whakauru ki te whakataetae Poitarawhiti roto whare ā motu Māori ka tū ki Taupō hei ngā rangi Rā Whānau o te Kuini. He karapu i whakatū hei hāpai i te hunga rangatahi e kōtiti hāere ana. Kei a James Perry tēnei pūrongo.

E rima tau ki muri whakatū te karapu e Tewai Rangi mē tōna hoa rangatira me Stuart i te karapu nei hei whanake i ngā rangatira o āpōpō. Hei tā Rangi, ehara noa iho i ngā pūkenga poitarawhiti, engāri ko ngā pūkenga e eke tonu ngā rangatahi ki ngā taumata katoa o te ao.

E ai ki a Shannon Reece, mema ō Ahurea Whakauru, neke atu i te kōtahi rau ngā rangatahi kua piri pāua i roto i ngā tau e rima. 

Tokowhā ngā kapa nō Ahurea Whakauru e haere ana ki ngā whakataetae ā motu Māori ki Taupō. Hei tā Tewai Rangi anō, me utu nama ake ngā kaitakaro Poitarawhiti roto whare, nā whai anō i whakatū ai e te karapu i tētahi rangi kohi pūtea, hei hāpai i ngā whānau kia utu i aua nama.

Ehara i te toa te whainga matua, mo ngā tima katoa. E ai anō kia Reece, ko ngā pakeke tonu ka haere hei ārahi i ngā rangatahi. He kapa whakawhanake anō ō rātou, ka mutu ko te kapa whakataetae matua e hiahia kia piki ki te taumata o angitu.

Hei ngā rangi Rā Whānau o te Kuini tū ai te whakataetae ki Taupō.