Kaupapa: Touch Rugby

He whakanui i ngā tau 28 kua angitū a Galaxy Touch

Rahia Timutimu
  • Te Tai Tokerau
  • Tāmaki Makaurau
  • Waikato/Te Waiariki
  • Te Tai Hauāuru
  • Te Tai Rāwhiti
  • Te Whanganui-ā-Tara
  • Te Waipounamu
  • Ahitereiria

Mo ngā tau rua tekau mā waru kua whakatakoto te karapu pā whutupōro o Galaxy i te mānuka i te ao pā whutupōro, ehara ki Aotearoa noa, engari hōrapa i te ao.

I tēnei rā whakangā, whakanui a Galaxy i ngā tau rua tekau mā waru, i tīmata tuatahi i te tau tahi mano iwa rau waru tekau mā whitu hei kapa tāne ki te whakataetae pā whutupōro o Tāmaki, ki Panmure.

Ko Peter Walters te tangata i tīmata i te karapu, he toki hoki i te Ao pā whutupōro, hei tāna, e hākoakoa ana ia i te angitū o te taitara Galaxy.

Kei ngā moka o te motu kitea ai te haki Galaxy, ki Tāmaki Makaurau, Te Matau a Maui, Whangarei, Taranaki, Whakatū, Te Whanganui a Tara me Whanganui. Kua hōrapa hoki i te ao, he kapa ki Āhia, Ahitereiria, Jersey, Parī, Dubai, Awherika ki te Tonga, Rānana, Kotirana me Amerika.

Ia tau whakahaerehia te whakataetae nei, he nui ake i te ono tekau ngā kapa kua tuku hiahia kia whakakotahi i ngā whakanui, mai ngā kapa tamariki, tae noa ki ngā pakeke.

Ki te Mt Wellington War Memorial Reserve ki Panmure, Tāmaki Makaurau, whakanui ai te karapu i tana tau rua tekau mā waru hei tēnei Rāhoroi.