He whakangūngū taumaha mā ngā Junior Warriors

Kua tutuki i ngā pia wha tekau mā rima o te Kapa Riiki Jnr Warriors, tētahi noho whakangungu pakeke i whakahaerehia ki Camp Morley, i Clarks Beach, he kainga i te taha tonga o Tāmaki Makaurau.

He mea waihanga ngā rautaki whakangungu piere nuku e tētahi kaiwhakangungu o mua o Ngāti Tūmatauenga, a ko te whāinga matua kia ākina nga kaitākaro kia whakapau kaha mō te hemo tonu atu.

Hei whakapakari i te taha hinengaro, hei whakaū hoki i te mahi ngātahi.

Mo tēnei kaitakaro matāmua, o te Kapa Warriors, koia tēnei tētahi o ngā kaupapa whakangungu uaua rawa atu kua whai waahinga atu a ia ki roto.

Hei tana, na te kaha roa o ngā whakamatautau, ko te hinengaro ano tēna, ka whakamaatauria.

Hei tā Konrad Hurrell, “he mahi whakangūngū rawe tēnei na te mea kua piki katoa aku pukenga na aua mahi."

Hei ta ngā kaiwhakangungu, he wa ano tēnei, kia whakakī ano ngā kete tākaro a te hunga nei, kia whakarite mai mō te whakatatae riiki Holden mo ngā uri i raro i ngā tau 20.