He whakahōnore i tōna tātai Airihi tā Pewhairangi mahi ki te Ipu Rīki o te Ao

Tamati Tiananga

He wheako mīharo i te pō nei mō te uri nei nō Ngāti Porou a Apirana Pewhairangi me te aha, he whakarangatira, he whakateitei i tōna taha Airani te mahi, te whenua tipu o tona kuia.  

Hei tāna, "Ko Margaret tōna ingoa, i mārena ia ki te pāpā o tōku māmā, he McDonald ia, i whānau mai ia ki Lucan, Ireland."

I āwangawanga a Pewhairangi ki te tākaro mō tōna kapa hōu me tana kore mōhio ki ētahi o ngā kaitākaro, heoi nō tāna piringa atu.

Tērā te kōtore whererei, e ai ki a Pewhairangi, ka eke ana te tangata ki tēnei taumata ā-ao, he tino i roto i tōna umanga tākaro.

Ko tā Pewhairangi, "He hōnore nui ki te tākaro tahi me ētahi tama pēnei i a Brent White kua tākaro mō Ahitereria, kua tākaro i te Origin.

He nui tonu ngā painga i puta, ahakoa i hinga a Airani."

Mā te aha i te tukinga nei hei whakawaiwai i a rātou mō te tukinga ki a Ingārangi, ki mua tonu i te whakaminenga rua tekau ma rima mano te nui, hei tēnei Rāhoroi.