He whakaaweawe i ngā kaimekemeke te mahi a tētahi hautipua

Mere McLean
  • Waikato/Te Waiariki

E mōhiotia whānuitia ana a Hasim Rahman mōna i turaki i a Lennox Lewis i te tau rua mano mā tahi mō te taitara IBF.

I tēnei rā, e whai ara kē ana ia, i tana taenga ake ki te whare mekemeke o Rotovegas ki te whakatairanga i ngā mahi mekemeke ki te whakatipuranga hōu, te nuinga o rātou i reira, he māori. 

Mo tenei reanga hou i roto i nga hākinakina mekemeke, ko te wa tuatahi tēnei e tutakitia atu ai tētahi whakaihuwaka o tērā ao.

Mo ēnei tauira o te kura o Kaingaroa, kua e hia tau ratou e hara mai ana ki raro i te kaupapa mekemeke o Rotovegas, koinei te ra whakawhiwhi tohu

Mo Aaron Warren, te kaiwhakahaere o tenei whare mekemeke Rotovegas, kua roa ia e hapai ana i nga mahi kia kite te hunga matatahi i nga ahuatanga o te mekemeke me nga taumata tiketike o tenei hakinakina. 

E mōhiotia whānuitia ana a Hasim Rahman mo tōna kirikawa ki te riri, heoi, ko nga tamariki i tenei whare mekemeke te mea nui ki a ia i tenei ahiahi.

Ka noho a Hasim Rahman ki Rotorua a te po nei, a, ka rere ia ki Te Whanganui a Tara.  Kei konei ia mo te whakataetae Super 8, a, ka rere taiāwhio ia i te motu ki te whakanui i nga mahi mekemeke ki nga rohe pēnei i a Rotorua.