Kaupapa: Waka Ama

He whāinga nui tā Tupu King ki Tahiti

Rahia Timutimu

Ka whakangungu ai a Tupu King i runga i te wai, heoi kua kore he kaukau i tēnei rā he kino nō te huarere.

“Ki a hau nei e kore au e whakangungu na te āhua kino o te huarere."

Ko te toa ā-motu te uri o Ngāpuhi nei i te rēhi rima rau mita, ā, kua huri tōna aro ki te rēhi Aito i Tahiti.

He rēhi roa kotahi rā te roa, e kitea ai ngā kaihoe takitahi toa o te ao e rēhi ana i tēnei whakataetae rua tekau mā waru kiromita te tawhiti.

Koinei tōna wā tuarua ki te whakataetae nei, ā, ko tana hiahia kia tairanga ake ngā hua ki taumata kē.

Rua tekau tau tōna pakeke, heoi, ko ia tētahi o ngā kaihoe toa o te motu. Ka hoki mai ia i Tahiti, ka rere ia ki Brazil tekau mā tahi rā whai muri iho, ki reira rēhi ai i ngā whakataetae o te ao.

Hei te Rāpare rere atu ai a Tupu ki Tahiti.