Kaupapa: Basketball

He whai oranga tō te kapa Hawks i tō rātou urunga ki te whiringa toa NBL

Aroha Treacher
  • Te Tai Rāwhiti

E whai waahi ana te tira Hawks o Te Matau a Māui ki te whiringa toa NBL mō te wā tuatahi mai i te tau rua mano tekau mā whā, whai muri i o rātou wikitoria karapīpiti e ono.

"He mihi tēnei ki ngā tāngata katoa, me mātua mihi ki ngā kaitākaro me tō rātou waiaro i tēnei tau tākaro ahakoa ngā wikitoria, ngā hinganga rānei," tā Zico Coronel, kaiako.

Ka pakanga rātou ki te tira Wellington Saints, e toru o rātou tukinga i tēnei tau tākaro.

"Engari e toru wā mātou hinganga ki a rātou, heoi me wikitoria mātou ki tika hei tēnei keemu," tā Everard Bartlett, kaitākaro Hawks.

Tekau ngā taitara toa NBL kua riro ki a rātou, i tēnei tau tākaro tekau mā rima ngā wikitoria e toru noa iho ngā hinganga, heoi e rite ana ngā Hawks.

"E whakaheke tōtā ana rātou ia rā mō tēnei raro motuhake, kāore e kore kua rite rātou," tā Bartlett.

Tīmata ngā whiringa toa hei te Rāhoroi, rima karaka, ka tū te tukinga whakamutunga hei te Rātapu.