Kaupapa: Rugby

He wero nui ma ngā Ōpango

Rahia Timutimu
  • Te Waipounamu

E rua ngā hāmene i whakawhiwhia ki te kapa o Ingārangi i ngā hēkona iwa tekau tuatahi, nā whai anō ka riro mā rātou ngā kaute tuatahi.  Kāore i taro, ka eke anō rātou ki te haurua o te kapa Ōpango, ka whai i te piro tuatahi o te tukinga.

Nā tēnei hāmene i riro ai te kaute tuatahi a te kapa Ōpango, ka eke i a Aaron Cruden te whana hāmene.

Ā, i kaha te ārai a ngā kapa e rua, tē puta ai te hoariri ki te rārangi piro.

I ngā hēkona whakamutunga o te haurua tuatahi, ka whai wāhi anō a Cruden ki te whakawhāiti i te wehenga piro kia ono piro noa te rahi. Heoi nā Ingārangi te kēmu i ārahi ake i te wehenga rua, ono piro ki te tekau te kaute.

He whai piro tā te kapa Ōpango i te haurua tuarua, he ono tekau ngā mita i omangia kia whai hua ai a Ben Smith, ka puta ko tō rātou ihu mā ngā kaute e toru.

Heoi, kāore i roa ka ōrite anō ngā kaute, nā tēnei whana hāmene a Ingārangi. Ahakoa te anuanu o te tākaro, he piro tonu i tutuki i te kokonga i a Julian Savea.

I panaia a Owen Farrell o Ingārangi mō te whano hē. Ka rapu hua ake a Aotearoa i tērā whakatahanga, ka eke a Ma'a Nonu ki te koko mātau.

I te mutunga iho, i hoki mai a Ingārangi me te piro whakamutunga o te tukinga, heoi auare ake, ka wikitōria tonu a Aotearoa mā te kotahi kaute.