He wawata mētara Orimipia hōu kei te pae

Wepiha Te Kanawa
  • Waikato/Te Waiariki

Kei te hīkaka katoa a Koria Pouri-Lane i te whakatau a te Kōmiti Orimipia o te ao, ka whai wāhi anō te hākinakina mamau ki ngā taumāhekeheke Orimipia hei te tau 2020.

Ko te uri nei o Maniapoto te whakaihuwaka mamau o Oceania i te reanga ki ngā wāhine kei raro i te rima tekau mā iwa kirokaramu te taumaha e whakatikatika atu ana mō ngā whakataetae o te ao i Hungary.

He tekau mā waru noa ngā tau o Koria Pouri-Lane, ā, e mau ana i a ia he taitara ā-ao e rua, me te mea hoki, e whawhai ana ia ki te hunga kei tua atu i tōna reanga.

Nā te whakatau a te Kōmiti Orimipia o te Ao, e ahei ana ia ki te whai i tōna moemoeā kia eke ki ngā kēmu nui o te ao hei te tau rua mano rua tekau.

Ko tōna whaea tōna tino kaitautoko, ā, ko ia hoki tana kaiwhakahaere.

Hei te Rāmere ka peka atu a Koria ki Hungary hei whakataetae ki te tauwhainga mamau o te ao, kia tata ake ai tōna pae tawhiti, arā te whai mētara Orimipia.