He wānanga whakawai a IronMāori hei whakarite mō te whakataetae IronMan NZ

Mere McLean

Nuku atu i te whā tekau ngā tāngata i tae ki te wānanga whakawai a IronMāori i Taupō nui a Tia i ēnei rā okioki, kia takatū ai mō te whakataetae ka tū hei te tuatahi o Poutūterangi.

Ahu atu ai ngā kaikauhoe o IronMāori ki ngā wai tapu o Taupōnui-a-Tia hei whakarite mō te whakataetae Ironman Aotearoa e kainamu mai nei.

Koinei te tau toru tekau o Ironman Aotearoa, tērā i whakaterea ki Taupō i te tau kotahi mano, iwa rau, iwa tekau mā iwa.

Waru kiromita te roa o te kauhoe ki te roto, he kotahi rau, waru tekau kiromita te roa o te eke paihikara, atu i Taupō ki Reporoa kia rua ngā wā, ā, he oma waru tekau mā rua ira rua kiromita te roa.

Mei kore ake te kaupapa o IronMāori, e kite ai ēnei urunga ono tekau neke atu ki Ironman. 

Mō Wayne Skipworth tētahi i whakarite atu i te IronMāori i te taha o tōna hoa rangatira a Heather he mea nui kia kite ake i te nui o ngā Māori ki roto i tēnei hui.

Ko te tuatahi o  Poutūterangi te rā ka tū ēnei kaiwhakaharatau ki mua o te mura o te ahi, me te manako ia ka eke panuku, ka eke tangaroa i roto i ngā whakaritenga.