He wairua tohe tā ngā tamariki Māori kei te whakataetae BJJ

Aroha Treacher

I runga i te hiahia o ngā kaiwhakahaere o te tōnamana Brazilian Jiu Jitsu Māori, kia tipu tēnei hākinakina kua whakaaetia ngā tamariki te whai wāhi atu.  

Kei Tūranganui a Kiwa te tōnamana tū ai i tēnei tau.

He iti te rāhi o rātou engari, ka pērā i ngā pakeke, ka whawhai tonu mō te hemo tonu atu.

Ahakoa i wikitōria, i hinga rānei, i heke ngā roimata, he akoranga ō roto, kua whai wheako ēnei punua taniwha.

Kua eke te whakataetae nei ki tōna tau tuarua, he whakataetae e whai huruhuru ana. O ngā toa whitu tekau i uru mai, kei kō atu i te rima tekau ōrau he tamariki.

Tūturu, i whakaritea tēnei tōnamana kia tāea ai e Ngāi Māori te whakatau i o rātou wairua riri, kia tū pakari, kia tū toa.

Kia poupoua ngā whakapapa ki te hinengaro, kia taea ai ngā toa te tātai hono ki tā rātou ake hītori whawhai. Hei tērā tau, mā Te Arawa tēnei whakataetae e hautū.