He Tūranga Hou mō Luke Crawford

James Perry

Kua waru tau a Luke Crawford, kua noho hei kaumātua mō te kapa Ōpango Māori. Ināianei, ka kuhu ōkawa atu ia ki te uepū whutupōro o Aotearoa hei Kaihautū Māori. Ko tāna, "mēnā ka noho au ki roto i tēnei ao i ngā wā katoa, mā tērā ka whakauru mai i ēnei mea pai nō tō tātou ao Māori."

Katahi anō te tūranga nei ka whakatūria e te Uepū whutupōro. Ko te whakatairanga i te Ao Māori me ōna tikanga te aronga matua o te mahi. Hei tā Crawford anō, "ko te mea nui mō te uniana whutupōro nei ki te toro mai tōku nei ringa ki roto ki tēnei Ao Māori ō tātou ki te hoatu kia rātou aua mea pai." 

I roto i ngā tau kua noho a Crawford hei kaumātua mo te kapa Ōpango Māori, he rite tonu ngā tono ki a ia me pēhea e uru atu ngā āhuatanga Māori ki roto i te Uepū, na whai anō e whakaae ana ia kia noho ōkawa te tūranga nei, "kei te mōhio rātou inaianei kei konei au kei roto i tō tātou nei whare, ki ō rātou taha ki te awhi nei, ki te hāpai atu i ngā mahi o te whare nei."

Hei tāpiri ka noho tonu a Crawford ki te turanga Kaumātua mō te kapa Ōpango Māori, haere ake nei.