Kaupapa: Boxing

He tohu whakanui ā-motu kua whakawhiwhia ki tētahi kaiako mekemeke o Te Matau a Māui

Aroha Treacher
  • Te Tai Rāwhiti

Ia wiki, ia wiki ka whakahaere a Shaun Rankin nō Te Matau a Māui i tētahi akoranga mekemeke mā ngā tamariki i Camberley me Maraenui, ko ngā hapori pohara rawa atu ēnei o te rohe. 

Hei tā Rankin, mēnā i tū ngā karaehe mekemeke i tōna rangatahitanga, koina tana whai.

E ai ki tētahi o āna ākonga mekemeke, o Manaia Rangihuna, he pai ki a ia ngā pūkenga katoa kua ākona e ia.

E mōhio pū ana ia i ngā taumahatanga o te rawakore, ko ia hoki tētahi i rongo i aua taumahatanga na kona a ia i huri ki te āwhina i ngā hapori.

Hei tā tētahi atu ākonga mekemeke, tā Richard Rukupo, ko te mea matua kua mau i a ia, ko ngā mahi karo.

Nā āna pūmanawa whawhai, he ngawari noa māna te whāngai mātauranga ki tēnei reanga.  Hei tā Rankin, kua kitea ngā mātua ngā panonitanga ā-waiaro o ēnei tamariki.

Inā noa nei ka whakawhiwhia ki aia te tohu whakanui mō āna mahi i te hapori, ara te pō whakanui Pride o Aotearoa.  Engari, ki tāna ehara ko te whiwhi tohu te take i huri ia ki ēnei tūmomo mahi.