He toa nō Tūhoe kua whai wāhi ki te hōtaka 'The Ultimate Fighter'

  • Waikato/Te Waiariki

Ko Dylan 'The Villain’ Andrews tōna ingoa, nō Tūhoe, he toa whawhai i whānau mai i Aotearoa, kei Ahitereiria e noho kāinga rua ana. Ko tōna whakatu i whakapou kaha i a ki te whai tūranga ki te hōtaka 'Ultimate Fighter' nā te mea he hiahia nui nōna ki te eke ki ngā taumata kia taea e ia te tiaki i tona whānau, te awhi hoki i ēra e whai hāere ana i a rātou ake moemoea.

Ko tāna ano tē taea e te kupu te whakāri i te ahua o te mahi o taua hōtaka me tōna nohonga ki raro i ngā tohutohu o tona kaiako a Jon Jones, he whakaihuwaka ‘lightweight’.

Nā tōna taunga ki te whare o taua hōtaka i pūrangiaho ai a Andrews, i tata mai ai te paetawhiti kia whai urunga ki te UFC.

Ko tana whakatau kei te āta whakāro, kei te whakapeto ngoi ano hoki i a ki te whai i tētahi turanga kaha rawa ki roto i taua ao.

I te tau rua mano ma toru i hūnuku atu a Andrews ki Ahitereiria, ko ia, ko tōna hoa rangatira me a rāua tamariki. No te wiki nei ka auraki mai ā ia ki te wā kāinga hararei ai ki Parawai. Ahakoa te hiahia ki te whakatā, nā tōna ekenga ki ngā taumata, kua whakapā atu te maha noa o ngā tāngata o Aotearoa ki a ia ki te whakahaere i ētahi wānanga MMA mō ngā kaiwhawhai kei te piki mai, a nā tōna aroha nui ki taua kaupapa kua whakaritea e ia he wānanga i te wā o tona hararei.

Mei kore ka kite ano te ao i te kaha o tenei tangata.