He toa Muay Thai no Aotearoa kua whai wāhi ki tētahi whakataetae o te aō

Aroha Treacher

E hia ngā marama e whakangungu ana a Ash Ahipene kia whakakoi ake i ona pukenga whawhai i mua i tona tutakitanga atu ki ētahi o ngā matakikoha Muay Thai o te ao.

Kua tipu ake a Ash me tona whanau i roto i te ao Muay Thai, otira, e hia ngā taitara a motu kua riro i aia, ā, e wha ngā wa kua hāere atu ia ki ngā tauwhainga Muay Thai o te ao, me te aha, he metara hiriwa, rauwhero hoki kua toa i a ia.

Ko tā Ash, “He hākinakina tino uaua tēnei te whakapakari i te wairua me tō tinana hoki, engari kua rite au ki te whakapeto ngoi kia toa mētara koura."

Kotahi mano neke atu te rahi o ngā kaiwhawhai no ngā topito o te ao ka tae atu ki taua tauwhainga, na reira, ka wainene rawa atu te whiwhi metara koura i reira.