He toa kaha mo ngā Taipans ki ngā NZ Breakers

Wepiha Te Kanawa

Kua tino eke ngā Breakers i tēnei wāhanga tau takaro, i te timatanga o te kēmu ki ngā Taipans i puta o rātou ihu.

Marama ana te kite i ngā pūkenga ārai o ngā taha e rua.  Ā, ko Thomas Abercrombie i hāmenetia.  Ko te miniti tuawhā o te wāhanga tuarua i puta whakamua ai ngā Taipans mā te iwa piro.

Whati ana ngā hononga a ngā Breakers, he whai i ngā whiore o ngā Taipans. Tekau mā whitu ngā kuru toru piro i whakamātautia e ngā Breakers, engari kāre i ea.

Na te hinganga a ngā Breakers ka hoki mai rātou mo te kirihimete i mua i tā ratou whakawhititanga atu i te moana tapokopoko, ka tuki atu ki ngā Sydney Kings.