Kaupapa: Cricket

He tata te kapa Black Caps ki te kapo i te taitara nui whakaharahara o te Ao Kirikiti.

  • Tāmaki Makaurau

He tino pakanga, arā ōna piki, heke, whakapōraruraru huarere, haukoti epa anō hoki, engari inā te pai o tōna otinga. He wikitoria mō ngā pukapuka hītori mō te kapa Black Caps ki a Awhirika ki te Tonga inapō, he kokenga hoki ki te taonga nui whakaharahara o te ao kirikiti.

Nō Awhirika ki te Tonga a Grant Elliot, engari i wairua tau i te muranga o te ahi, ā, i eke ia i te wā tika, kia eke anō ai te tira Black Caps ki tō rātou whiringa toa tuatahi rawa o te ipu o te ao.

Heoi, i te rangi nei i te taunga waka rererangi te kapa e rere atu ana ki Poipiripi, kia whakarite ai mō te tukinga nui whakaharahara o te wā.

Ko Ahitereira, ko Inia rānei te hoariri, hei te whiringa whāiti ki Poihākena āpōpō mōhiotia ai.

Engari ahakoa ko wai te hoariri, kotahi rau epa noa a Aotearoa ki te tuhinga o tētahi whārangi anō ki te pukapuka hītori.