He taniwha hikuroa o te ao hākinakina Māori, kua riro nei

  • Tāmaki Makaurau

He taniwha hikuroa, he tōtara haemata kua mōnenehu atu raa ki te pō.

Ko Mackie Herewini, he toki kaitākaro whutupōro, kaimekemeke, kaitakaro tēnehi, hahau pōro me te pirori maita tēra i mate i te ata tonu nei, i tōna pakanga roa ki nga mate rehu ohotata.

Hei tā tōna hoa tata, te kaiwhakahaere o ngā tohu toa tākato Māori a Dick Garratt, ka kore pea e kite he momo pēnei a muri ake.

Ahakoa te hākina, i eke panuku a Mackie Herewini ki ngā taumata tiketike. Ko te tino ekenga āna ko te whutupōro, he toki O-Pango, Kapa Māori ano hoki i ngā tau 50 ki te 70 o tērā rau tau.

Hei tā Dick, ahakoa te hākina i uru ai a Mackie, kāore i roa ka papatū ake ko ia.

He papa, he hoa rangatira hoki i arohanuitia, he tāne taera motuhake.

Ka takoto te tūpāpāku ki tōna whare, ki te tonga o Tāmaki, ka poroporoākītia mō te wā whakamutunga ki te Whare Karakia o Holy Trinity ki Otahuhu hei te ata Rātū.