He tama pūmanawa kua wikitoria tētahi whakataetae Judo ā aō

updated Wikitōria Day
Judo sportstar Carlos Hihi

E iwa noa iho ngā tau o te uri o Te Aitanga a Māhaki me Tūhoe a Carlos Hīhī, me te aha, kua rua tau ia e whai ana i te hākinakina Judo.

Ko ia tērā i uru atu ki te tauwhāinga e kiia nei ko te Auckland International Judo Competition, i te wāhanga mō ngā kaitākaro Judo toru tekau mā ono kirokaramu heke iho, ā, ko te hua i puta ki a ia i tōna otinga ake, ko te mētara kōura.

E whā āna whawhai i roto noa i ngā haora ruarua nei. Hēoi, ko tāna tino whawhai ko tērā i pakangahia ki tana hoa tauwhāinga nō Ahitereiria.

Ko tā Carlos Hihi , " he uaua i te timatanga engari nā tōna ngākaunui ki ēnei mahi i anga whakamua tonu mātou inā kua eke ia ki ngā taumata."

Ko Jason King te kaiako o Carlos. E mīharo ana ia i runga i te mōhio, ahakoa tōna pakeke, he tamaiti mātau, he tamaiti pūkeke. He pūkenga ēnei me uaua ka kitea.

I ngā wiki ki muri i mamae i a ia tōna waewae, engari ahakoa tēnā, i hāere tonu ia, ā, ko te wikitōria te otinga atu.

Ko ngā tohutohu pai a tōna whānau me tōna kaiako te ngako o āna tutukitanga. Koinā hoki e motuhenga ai tāna tū i roto i āna mahi hākinakina.