He rangatahi tokorua kua whai urunga ki te kapa hiki maitai o Aotearoa

  • Tāmaki Makaurau

Tokorua ngā rangatahi, he hoa pūmau kua whai wāhi tuatahi atu ki te kapa hiki maitai rangatahi o Aotearoa.

Ko Montel Tivoli rāua ko Isaiah Papali'i tērā e whakaharatau ngātahi ana ki te wharepakari tinana o Zealous Crossfit i te uru o Tāmaki Makaurau. I reira tūtaki atu ai rāua ki tā mātou karere a Rewa Harriman.

He ihu oneone ngā tamatāne nei, ā,  ia rā ka whakaheke tōhau rāua ki te whakapakari i ō rāua pūkenga.

Ana kua kitea ngā hua, kātahi anō rāua ka whai wāhi tuatahi ai ki te kapa hiki maitai rangatahi o Aotearoa ka haere ki New Caledonia hei tērā marama mō te whakataetae Oceania Youth Games.

A, hīkaka hoki ana ngā hoa pūmau nei i tā rāua angitū.

Tekau mā rima ngā tau o ngā tamatāne nei, ā, nā Isaiah tana hoa tata a Montel i hari atu ki te whare Crossfit ki te hākinakina hiki maitai hoki.

Ko te matua kēkā ō Isaiah te kaiwhakahaere o Sealous Crossfit, ā, ko ia hoki tō rāua kaiako. E mohio pū ana ia te ngākau titikaha o ngā mahuri totara nei.

I ngā hākinakina maha, he nui utu, tāpiri atu, ko ngā haerenga, me kohi e rāua te rua mano tāra mō te haere.

Tērā tērā, ko te aronga nui ō ngā tamatāne nei, ko pae tata.