He poroporoāki mo tētahi o ngā rangatira o Manu Samoa

Te Kāea

Tuturu e ngau kino ana te mamae kua riro nei ia e rima tekau ma wha tau noaiho tona pakeke.

Muia ana te whare Vodafone i Manukau i te tini mano i tae ki te poroporoaki i te tohunga  kaiwhutuporo, kaiwhakaako hoki o mua o Manu Samoa.

I roto katoa i ngā korero i wharikihia ki te minenga i tohua ngā ahua o Fatialofa, he tangata ngakau mahaki, arohanui.

Ahakoa tona rongonui i runga i te papatakaro hei kapene mo Manu Samoa i tona wa, he whānui ngā hua i ahu mai i roto i ana mahi kaitataki, kaiwhakaāko hoki.

I Hamoa ia e noho ana i mua tata i tona matenga e poipoi ana i te kapa wahine o Manu Sina mo ngā whakataetae whutuporo o te ao 2014.

Hurinoa i te tangihanga nei ko ngā tangata rongonui o te ao hakinakina whutuporo i tae ki te whakahōnore i a ia me te whakamana i ngā tākoha nui a Fatialofa ki te ao.