He pōhiri ki ngā kaitākaro Kabaddi hōu

Rahia Timutimu
  • Tāmaki Makaurau

Ko te kimi whēakoranga te whainga a ngā kaitākaro Kabaddi i whakataetae atu ki te Ipu Kabaddi Tāmaki Makaurau a motu, kia eke ki te taumata e hiahiatia ana ki te whakataetae a Ao. Nō ēnei rangi whakatā karapine atu ai ngā momo kaitākaro, tāne mai, wahine mai, ā, ko ētahi tauhou hoki, ko te nuinga he uri Māori.

He hākina i takea mai i Īnia, engari i ngā tau kua taha ake nei tokomaha ngā uri Māori kua whai wāhi atu ki te hākina Kabaddi.

He rite tonu te hākina nei ki te Bullrush, kāore he kia, ko te rautaki, te pukenga hoki ngā tino toki tākaro. He ōrite ngā pūkenga o ngā tino ki ngā kaitākaro whutupōro, riiki, pā whurupōro hoki, ngā hākina kua roa a Ngāi Māori e tākaro ana.

Mai i te tau rua mano tekau mā whā kua whai wāhi atu a Riripeti Motu ki te kapa matua o Aotearoa, me tōna hiahia kia hōrapa ai te hākina nei.

“Ko te tino tumanako, kia tipu ngā pukenga mō tēnei hākinakina, me te tipu i te rōpū, mō te taha wāhine, tāne hoki, kia hūpeke ki ngā whakataetae ā motu ka tū ki Dubai,” hei tā Motu.

Kua karangahia ētahi atu kaitākaro Māori e ngā kaiwhakarite, ā kua ea aua moemoeā. He kaitākaro o mua o Aotearoa a Conal Grant, ko ia tētahi o ngā kaitākaro hou kua uru mai ki tēnei hākina nō Inia.