Kaupapa: Netball

He panoni kai te haere mō te kapa Stars

Ruth Smith
  • Tāmaki Makaurau

Me kimi pea e te kaiako matua o te kapa Stars, e Kiri Wills he kaitākoro hou mō te toenga o te whatinga.

Ko te wharanga tēnā o tētahi o ngā pou o te hautoru o waenganui, o Fa'amu Ioane tēnā, i te kēmu ki te kapa Northern Mystics nō nā pō nei.  Nō te rangi nei hui atu ai a Ioane ki ngā rata e mōhiotia ai te whānuitanga o te āhua o tana wharanga.

Kai te tirohia e Wills ētahi o ngā kaitākaro o te whakataetae Beko hai whakakī pea i te tūranga.  Otirā ko Ama Agbeze hoki tētahi kōwhiringa hai kaitukituki mō te kapa engari e tatari ana a ia kia puta ngā whakatau a ngā tākuta.

Toa ai te kapa Stars i te tukinga ki te kapa Mystic e 58-54, ā, hūrō kau ana te kapa i tēnei toa karapīpiti tuatahi ō rātau i tēnei whatinga.

Ko te wero nui ki a Wills me tana kapa ināianei ko te manawaroa i a rātau ka tūtakitaki atu ki ngā puru rourou o te whakataetae, ki te kapa Pulse hai te rauna tuaiwa.