Kaupapa: Rugby League

He pakanga ki waenga i ngā kapa toa e whā i te whakataetae rīki Fox Memorial

Rahia Timutimu
  • Tāmaki Makaurau

He pakanga ki waenga i ngā kapa toa e whā, i te whakataetae rīki Fox Memorial ki te rohe o Tāmaki Makaurau. Ko ngā toa o te whakataetae a Mt Albert Lions i pakanga ki te nama rua, ki ngā Sea Eagles, ā, ko te kapa kei te turanga tuawhā ko Marist Saints i tuki ki ngā Point Chev Pirates, kei te tūranga tuatoru.

Ahakoa he tukinga tata i kitea ake i waenga i te nama tahi me te nama rua, he āhua anō te kitea i tā te nama toru ki te whā.

Nā ngā Mt Albert Lions te piro tuatahi i te tukinga ki te kapa nama rua, ngā Papakura Sea Eagles. Nā tēnei pāhi nanakia i hua ai rātou ki tēra taha o te pātiki.

I piro anō ngā Lions i muri tata iho, kia noho kaute kore ai a Papakura. Ā, nō te haurua tuarua rā anō, ka whai hua ake a Papakura.

Nā te whakatahahanga o tētahi i te taha hoariri, i ngāwari noa ai tā Papakura aru piro. Koinei te piro nama toru a Papakura.

Hēoi ko ngā Raiona te kapa whakamutunga ki te whai piro, kia wikitōria ai i te tukinga, 20 – 16.

I te tukinga tuarua o te rā, ko Marist Saints te tuatahi ki te whai piro, ki ngā hoariri, ki ngā Point Chev Pirates.

Hēoi, ko ngā Pirates tērā i hoki mai me te whai i ngā piro e rua kia arahi ai i te wehenga rua, tekau mā rua ki te ono.

Nā ngā waewae parahutihuti o Malo Solomona te piro tuatahi i te haurua tuarua.

E rua kē atu ngā piro i tutuki i tana kapa whai muri i tērā.

Kātahi ka ara mai anō ngā Saints, ka whai i tēnei piro ki te kokonga.

Hēoi i tūreiti rawa, e toru ngā piro a ngā Pirates kia wikitōria ai i te tukinga, whā tekau mā waru ki te tekau ngā tatau whakamutunga.