He momoho te whānau Ellison ki roto i te ao NFL

He whānau hākinakina te whānau Ellison nō Ngāi Tahu, ka mutu, tokorua o rātou toa hākinakina kua hoki mai ki Aotearoa mō tēnei wā.

Ko Riki Ellison te kaitākaro tuatahi o Aoteroa i whai wāhi atu ki te whakataetae NFL mō te kapa San Francisco 49ers, otirā nā tana tama a Rhett Ellison ōna tapuwae i whai me te tākaro ake ki te kapa Minnesota Vikings.

Kei te tōtō, kei roto i te whakapapa.

Ko te tīpuna koroua o Rhett Ellison, a Tom Ellison, te kāpene Ōpango tuatahi, ā, ko ana karangatahi a Tamati rāua ko Jacob kei te whakataetae Super 15. Hei tā Rhett Ellison, ahakoa e ngākaunui ana ki te whutupōro kāhore ia i te mātakitaki kaha i a ia.

Heoi he kōrero rerekē mō te haka.

I tākaro ngātahi tōna pāpā a Riki me Joe Montana i te kapa San Francisco 49ers, e toru ngā whakataetae Super Bowls i kapohia e ia i ngā tau waru tekau.

He paehau o mua, he haika kōkiri hoki a Rhett Ellison i te kapa Minnesota Vikings, ka anga atu ia ki tana tau tākaro tuawhā ki te kapa me ngā whakatau nui i tana tau whakamutunga i tana kirimana.

Hīkaka ana ngā kaitākaro Blues ki te tūtaki atu ki tēnei hautipua o te whutupōro Amerika.

I ngana te toa Ōpango a Steven Luatua i te hākinakina rā i a ia e rangatahi ana, ā, rekareka ana ia i te kōrero atu ki a Rhett.

E manakotia ana ka tau te angitū o Rhett Ellison rāua ko Riki Ellison ki te kapa Blues i mua i tā rāua hokitanga atu ki Amerika hei te Rāhina.