Kaupapa: Prison

He momo tauwhāinga Iron Māori i tū ki te Whare Herehere o Te Matau-a-Māui

Aroha Treacher
  • Te Tai Rāwhiti

Ko te Whare Herehere o Te Matau-a-Māui te wāhi i kitea ai tētahi tauwhainga hākinakina rua e kī ana ko "Chasing Sun Rays", he tauwhāinga hei akiaki i ngā mauhere kia ū ki te ara tika. 

I whakatūria tēnei papa motuhake mā ngā mauhere o te whare herehere o Te Matau a Māui.  I mahi takirua ai rātou, he oma i te toru rau mita e ono ngā wā te mahi a tētahi, he eke pahikara tā tētahi atu, ko te ia, ko te oti wawe.

Ono rau neke atu ngā mauhere ki konei, otira, kei tua o te rima tekau ōrau i āhei ki tēnei kaupapa, mā te whanonga pai me te takoha uka koura ki "Victim Support".

Maha ana ngā hua kua puta mai i tēnei kaupapa.

I whai wāhi atu ngā mauhere tokorua me tētahi mauhere o mua ki te whakataetae Iron Māori i tērā wiki, he tuatahitanga tērā mō Te Ara Poutama o Aotearoa.

I āta whakatakotohia e rātou te mahere me pēhea te haere o aua mauhere ki taua whakataetae.  I kōwhiria aua mauhere, nā te whanonga pai i ngā wā katoa.  Nā, i te wā i mana te whakatau ko wai ka haere, ka tāea e rātou te whakangungu, te ako ki te kauhoe hoki.

I whakarewa te kaupapa nei i te tīmatanga o tēnei tau, otira, nā ngā painga i kite i te āhuatanga o ngā mauhere, i whakarite anō i te rangi nei.

Ko te hiahia kia taea ai tēnei kaupapa ia tau.