Kaupapa: Rugby

He moemoea kua tutuki mo te kaiako o ngā Ōpango Māori

Ki Kanata me te haerere a te kapa Ōpango Māori, me ngā whakariterite mo te whakamātautau tuatahi ki a Kanata hei te Rahina e tu mai nei. 

Mō te kapa Māori, he rangi okioki tenei mā rātou, na reira i whai wāhi tā mātou karere a Rewa Harriman ki te kaiako matua, ki a Colin Cooper me ōna whakaaro mö tana tūnga hou. I whai haere hoki mātou i a Colin mā ki tētahi whakakitenga miharo o te ao.

He whakakitenga miharo a Niagara Falls, tētahi o ngā hua o te haerere. Engari he aha te hua e rapu nei a Colin Cooper i te tūnga kaiako o te kapa Māori? Neke atu i te tekau ma rima tau ia e whakaako ana i te whutuporo, ā, hei ko tāna, ko te tunga tēnei i wawata nuitia e ia.

He tino haerenga ma Colin, kia whai māramatanga ai ia ki tōna whakapapa me te ao Māori.

Ahakoa tana kuare ki tōna whakapapa, he mātatau ia ki te whakapapa o te kapa Māori me tana hiahia kia tiaki i tēra mana.

Hikaka hoki ana ia ki nga pukenga o nga kaitakaro i roto i te kapa i tēnei tau.

Ahakoa he rangi okioki tenei, kahore e roa ka hoki ano a Colin ma ki te mahi, whiriwhiri ai ko wai ma ka tohua ki te kapa apopo mo te whakamātautau tuatahi ki a Kanata.