Kaupapa: Boxing

He mētara te whāinga mā Pritchard

Rahia Timutimu
  • Tāmaki Makaurau
  • Ahitereiria

Nā te whakangā i whakahou ai a Alexia Pritchard, ā, ka whai hua āna meke katoa.

I whakatau a Pritchard kia hoki mai i tana rītaia i tērā tau, ā, arā noa ngā whēako hou, ngā tāngata hoki, kia hoki ia ki te rīngi.

Hei tāna, i takeo te ao mekemeke ki aia, engari kua ara ake anō te kaimekemeke toru tekau mā rima tau te pakeke kia tae ki taumata kē.

I tuarima mai ia ki ngā Orimipia i Rānana i te tau rua mano tekau mā rua, i tuaiwa ki ngā whakataetae hoawhenua ki Glasgow. I rītaia ia i te tau rua mano tekau mā ono, i tana whakawhiwhinga ki tana taitara tekau mā tahi ā motu, engari he whainga hou tāna.

Ki Te Tai Koura mau i a ia te rarauwhe, ka whakataetae atu ki te reanga hōu, ki te reanga rima tekau mā whitu kirokaramu te taumaha.

Rua tekau mā waru rā te roa ki te tīmatanga o ngā kēmu nei, ā, ka whakapakari tonu ia e ono rā o te wiki, kia tae ki taumata kē.