Kaupapa: Rugby

He makau a Portia Woodman mō te taitara kaitākaro takiwhitu wahine o te ao

Rahia Timutimu

I eke a Portia Woodman i tētahi waka rererangi ki Rānana inapō, ehara i te mea hōu mō te kaitākaro takiwhitu o Aotearoa, heoi, he āhuatanga motuhake tēnei.

Kua haere tahi a Woodman me tana hoa tākaro a Sarah Goss, kua eke ki te rārāngi whāiti mō te kaitākaro takiwhitu toa o te Ao. 

Ka whakataetae atu ia ki ētahi o ngā kaitākaro toa o te ao.  Ko Portia te makau o tēnei taitara, i riro i aia ngā piro rima tekau mā rua i tēnei peka o te tau, nā whai anō ko ia te tuarima o ngā kaitākaro whutupōro katoa, wahine mai, tāne mai, ki te eke ki tē taumata, nui ake i te rima tekau ngā piro.

I eke tana kapa ki ngā Taumāhekeheke Orimipia o te Ao ki Brazil, hei tāna kei te whai rātou i te huarahi tika hei kapo i te mētara koura tuatahi mō te tākaro takiwhitu.