He kaupoi rangatahi kei te whakapou kaha ki te whai wāhi ki ngā tōnamana Rodeo o te motu

Wikitōria Day

Ko ngā pūkenga Rodeo katoa o te motu whānui ka toia ki ngā huihuinga Rodeo o te raumati. Tērā tētahi tāne nō Te Waipounamu, ko Laurie Hāwea tōna ingoa, kua huri haere i te ao ki te whai i tēnei hākinakina e kai-ngākautia ana e ia.

Nā whai anō ia, ka tae ki te hui ki Ōpōtiki, ki te whakatutū i te puehu.

He tawhiti rawa te hāere takitahi mai, heoi, nā te manawanui o tēnei uri o Te Whānau a Kai, ia tau tae mai ai ia ki te uru ki ngā whakataetae rodeo o Te Ika a Maui.

Inā te rahi o ngā hua kua puta ki ā ia nōna e aruaru ana i tēnei momo hākinakina. Ko te wāhanga eke pūru me te wāhanga saddle bronc āna tino.

Kua tau kē ōna waewae ki tāwāhi. Ki reira ia whakataetae atu ki ngā tino kaieke hoiho, kaieke pūru toa o te ao. 

Ehara i te mea kua angitūnoa ia i ngā huihuinga rodeo o tēnei raumati, engari kua tiaho mai hoki ia ki whenua kē. Ko te tātua e mau nei ia te whakatinanatanga o āna tutukitanga.

Kāre āna mahi rodeo e oti i konei, he huihuinga anō ka tū I tēnei wiki ki Te Taitokerau. Heoi, kāore e kore ka hoki mai ia ki Ōpōtiki whakataetae anō ai a te kotahi tau.