He kaupoi kaha rawa a John Davis i te aō Rodeo

Wikitōria Day

Kua toru tekau mā rima tau a John Davis nō Ngāti Raukawa e eke taumata ana i te aō rodeo. I te huihuinga o Rerewhakaaitu ia i tērā wiki whai muri i te Kirihimete, kātahi tana aro ka huri ki Ōpōtiki. Ki reira tuki atu ai ia ki ētahi toki Māori kē atu o te hākinakina nei.

E hia kē nei ngā tauwhāinga rodeo kua tae atu ai ia i roto i ngā tau. Ko John Davis tētahi o ngā tautōhito i Ōpōtiki.

Nōna te waimarie, kua whai wā ia ki te tākaro tahi ki te whānau Māori rongonui o te aō rodeo, arā te whānau Church. Nā ēnei momo āhuatanga ia i rata ai ki tēnei hākinakina.

Ahakoa tāna tipi haere ki ngā moka o Aotearoa, o te ao hoki, e tōia tonutia ana ia ki roto o Te Waiariki, ki te huihuinga rodeo o konei.

Pēnei i te nuinga o ngā whānau kua tae mai, he toto rodeo ō rātau, ā, kua tuku whakarere iho taua wairua hiakai o Davis ki āna ake tamariki.

Kāore ia mō te whakatārewa i āna mahi rodeo ā kō tonu ake nei. Ka māwhiti tana haere ki ngā tauwhāinga i tēnei wiki, ā, kāre e kore ka kitea tonutia tāna angitū a te wā tītoki