He kaupapa whakapakari tinana a tētahi tokorua Māori e angitū ana ki runga ipurangi

Te Kāea

Kua moea te ao whakapakari tinana ki te ao ipurangi, kia whānau mai ai he huarahi e toro arorangi atu ai ngā mātanga o ngā mahi nakawhiti ki ērā e pīkoko nei kia ora ake, kia pūioio ake ō rātou tinana mō te tau hōu. Ka tūtaki ake tātou ki tētahi tokorua kua piri atu nei ki tēnei huarahi hōu.

Koinei te āhua ō apōpō mo te whakapakari tinana, ko Ngāi Māori te hunga kei te arahi i ngā kaupapa whakapakari tinana i rungā ipurangi.

Tūtaki mai ki a Kani Collier rāua ko tōna hoa rangatira. E ai ki ēnei mātanga, ko te āo ipurangi te waka whakamua e ea ai ngā mahi.

Ko ēnei momo whakapakaritanga he huarahi hei awhina i te hunga pēnei i ngā māmā noho kāinga, te poipoi i ā rātou pēpē kia whiroki ai te tinana.

Inā te whakaaweawe a te tokorua nei, mai anō i tō rāua ake papa kāinga. E whakapono ana a Kani ko te whakaputa i te karere mā runga ipurangi te oranga tonu tanga o te whānau.