Kaupapa: Rugby League

He kapa Aotearoa te whai a tētahi toki rīki o mua

Rahia Timutimu
  • Tāmaki Makaurau
  • Ahitereiria

Kei tōna tūru wirā a Aiga Pouoa, engari ehara tēnei i te wero mānā, kia aru tonu i ōna moemoea. Whai muri i tētahi aituā, ko ia tētahi o ngā kaiako whakapakari tinana o te motu, me tāna hiahia, kia whakatū tuatahi ai ia i tētahi kapa tūru wīra a motu.

He aituā ta Aiga Pouoa, ko te hua, ko te kore eke anō i te papa tākaro.

Heoi anō e whakatinana ana ia i ōna moemoeā kia āwhina i te tangata. He kaiako whakapakari tinana ia, mei kore ake a Fit College, i ako ai ia i ēnei mōhiotanga. Whakawhiwhia hoki e ia ki te taitara tauira toa o te tau.

A, e hiahia ana te kaitākaro rīki o mua ki te āwhina tonu i te hapori me tana pae tata, arā, kia whakatū i tētahi kapa tūru wīri, kia tākaro ki te whakataetae riiki a Ao hei te toru tau.

Inā te tokomaha tāngata e hiahia ana ki te tākaro, engari e ai ki a Aiga, he uaua ki te whai pokohiwi kaha, kia tautoko i te kaupapa nei.

Ka whakahaeretia tonutia e ia āna karāhe e rua, ko tētahi kei te hōhipera ā tuara, ko TĒRĀ anō kei Crossfit Waitakere.