Kaupapa: Netball

He kanohi Māori hōu kua tāpiri atu ki te kapa Rarauhe Hiriwa

E ai ki te kāpene o te kapa Rarauhe Hiriwa ki a Casey Kopua e tau ana te noho a ngā tautōhito me ngā tauhou i a rātau e takatū ana ki te Kapu Poitarawhiti o te ao ka tū ki Poihākena a tērā marama. 

Inā te pai o te noho tahi a te taina me te tuakana.

Hei tā Kopua, he pai ki te whakahou anō i ō mātou pūkenga me te mārama ki ngā painga o te kapa.

E whakarite ana te kapa rarauhe hiriwa mō te kapu o te ao, ā, e noho mataara ana tēnei uri nō Ngāpuhi, he tauhou ki tēnei whakataetae, ki ngā tūnga katoa o te kōti. 

E ai ki a Cullen i tākaro ia ki ngā momo tūranga o te kōti, nō reira e ōrite ana ngā whakaritenga heoi e taumata anō me eke.

Kua rongo kē tēnei tauhou, he uri nō Tainui, i te tāwara o angitū i te taumata a-ao i te tau 2012.

I te tau 2011, i hinga te kapa Silver Ferns mā te kotahi piro i te whiringa toa i Hingapo, ā, e manako ana rātau kia pai ake mā te kotahi. 

"Kei taumata anō nō reira me reri ka tika," hei tā Cullen.

"Mā te uru kaha ki ngā mahi whakaharatau i te wiki nei, ka ea ngā wawata," te kii a Karaka.

Hei te tuawhitu o Hereturikoka tākaro ai rātau i tā rātau kēmu tuatahi ki a Barbados.