He kaimekemeke toa no Tainui ka tu hei māngai mo Aotearoa ki ngā Taumāhekeheke Hoawhenua

Aroha Treacher

Nā te wairuatoa i kore ai a Bowyn Morgan e whai urunga ki te kapa Taumāhekeheke Hoawhenua e whā tau ki muri, heoi nā te upoko pakaru kua tutuki i te kaimekemeke tēnā awhero nui.

Kua mahuta , kāore anō ia kia hinga noa i ngā tukinga ki Aotearoa, e hia nei ngā wikitoria nō tāwāhi hoki kua riro i aia.

He manawa titi kaha tō Bowyn Morgan, e rua tekau mā rima ōna tau, i whakapau kaha ia i ngā tau e whā kua hipa, ā, kua whai hōnore nui ia kia tū hei kanohi mo Aotearoa ki tōna hākinakina makau.

Ko tā Bowyn, “katahi te moemoea ko tēnei, i whakapeto ngoi mātou, inā kua riro tūranga au ki tēnei kaupapa whakahirahira o te aō.”

He haerenga roa mō tē pāpā rangatahi, he kotahi rau neke ngā tukinga kua oti i a ia, whitu tekau mā tahi he wikitoria, ā, kāore anō hoki āna hinganga i Aotearoa i ēnei tau e whā.

“He tamahine tāku, na ēnei mahi he roa te wā ka noho wehe māua, heoi e pupuri ana au te mohiotanga mēna ka angitu au i roto i ēnei mahi ka tu au hei tauira pai mo taku kotiro.”

Kātahi anō ia ka whiwhi mētara koura i te tauwhainga rima tekau mā rua ki Bellgrade i Serbia, i reira nānā i weto ai ngā rama o tōna hoariri.

Ko tā Shatford, “he kitenga pai tēra mo te tama nui, e ai ki ngā kōrero he pai ake koe i tō whawhai kua oti, inā he koura te mutunga mōna i taua tauwhāinga ko te wawata ka pēra ano ki ngā whakataetae nui e tu mai nei.”

E noho hīkaka ana a Bowyn, he nui hoki ōna wawta, heoi ko tāna ano ko te mea nui kua whai tūranga ia ki taua kaupapa.

Kua tekau mā rima ngā tau ināianei a Morgan mekemeke ana, otira, ko tōna awhero nui he takahi i te ara ngaio.