Kaupapa: Rugby

He īngoa hōu mā te kapa takiwhitu o Aotearoa

He tāera Ōpango takiwhitu anō hei huataki ake i te tau tākaro hōu.  Kei te wehe atu te kapa ki te whakataetae takiwhitu o Noosa āpōpō i raro i te maru o tētahi ingoa hou.  Kotahi tonu te āhuatanga kīhai i panonitia, ko te kounga tākaro o te kapa.

He makawe hōu mā Gillies Kākā, he ingoa hou anō tō te kapa.

Ko te ihirangaranga o te kapa, ko te ora tonu o te kapa. Ko te kapa i tapaina anōtia ko te kapa whakawhanake o te motu e takatū ana ki tātāwhāinga anō, mō āpōpō rere atu ai tēnei tira, tekau mā whā te rahi, ki Noosa, whakateraki i Piripane.

E piu haere ana a Te Aute - he aro ki te āputa nui kia whakawhānui ai tōna titiro ki te ao.

Ā, ka kore e whai wāhi a Joe Webber ki te papa, kei roto i te tini o ngā taitara ōpaki kua utaina ki a ia - ko te kaumatua o te kapa mō tēnei haerenga.  Haunga anō tērā he nanaiore tonu kia whakapūmau tonu i tēnei wairua hākoa, kia hoki rā anō mai ngā toa Ōpango.

Ā, mehemea ko te matū te tohu nui, kua kawea kētia e rātou.