Kaupapa: Netball

He hokinga ki te Raki Pae mō ngā Mystics Nathan, Wilson hoki

  • Tāmaki Makaurau

Kei te hīkaka a Samon Nathan, matawaenga o te kapa Northern Mystics, ki te tākaro i mua i te aroaro i tōna iwi kāinga,i te tukinga a tōna tīma ki te kapa Central Pulse,hei te Pōapa ki North Shore Events Centre. I a ia e tipu ana ki te Raki Paewhenua, i tākaro hoki ia i raro i te maru o te kaiako Mystics, o Helene Wilson.

E ai ki ngā kōrero, ka wehe te tamāhine i Te Raki Pae, engari anō Te Raki Pae i te tamāhine.

Ko tā Nathan (Ngāti Whātua) i tākaro au i te pae ō poitūkohu ki te North Shore Event Centre i te mea kāore anō te taiwhanga AMI kia tūwhera.

Hei tā Wilson he hokinga tēnei ki te wā kāinga.

He whakahirahira hoki te tākaro mō te kaiako mō Helene Wilson, e hoki māhara atu nei ki te toki nō te kura tuarua o Westlake, ki a Nathan, nōnā e tamawahine tonu ana.

Hei Tā Wilson, koia tōna Ngāti Whātuatanga.  He mea mīharo mōku ki te whai i tōna whakatipuranga.

Ko te whāinga a Nathan, kia tūraki ai tana kapa o tērā tau. E wikitōria kore tonu nei ngā Mystics whai muri i ngā tukinga e rua.

Ko tā Nathan he wikitōriatanga te whai.

E mōhio ana ngā Mystics i te mōrearea o Catherine Tuivaiti, kaitākaro o mua.  Ko te karanga i a Nathan, me kawe ngā mahi a uta kia piki anō ki tai.

Hei tā Nathan, he tīmatanga urukaha ka kitea, mai te whionga tuatahi.

Kua waru tau nō te kēmu whakamutunga ki North Shore Event Centre. I taua rā o Paenga Whāwhā ko ngā Mystics kē te toa.

E manako ana rātou, ka ekea anō taua taumata.