He hokinga kaha a Joelle King ki te ao poipātū

Kua ara ake te uri o Ngāti Porou a Joelle King i tōna wharanga kia kapo ai i te taitara Poipātū Australian Open. Ahakoa tana tamōtanga mō te ono marama i te whatinga o tōna io peke i tērā Here turi kōkā, i turaki tonu e ia te toa a Annie Au i te whiringa toa, kia kapo i tana taitara toa tuatahi i tana wharanga.

He tukinga i waenganui i a Joelle King kei te tūranga 57 i te ao rāua ko Annie Au  te tuangāhuru mā tahi, ā, nā Joelle te ika tuatahi.

I tamō a Joelle mō te ono marama i te whatinga o tōna io peke, nā whai anō ia i heke i te tūranga tuawhā o te kauwhata o ngā toa o te ao i te korenga ōna i takaro. Heoi kāore i kitea he ngoikoretanga i te kōti, ko ia i kapo i te wahanga tuatahi.

I mate ururoa a Annie ahakoa tōna hinganga i te wāhanga tuatahi 11-5, heoi he taunahua i tana ara i te whatinga o tana aho.

Kāore i roa i muri mai i whati te aho o te patu tuarua a Annie, nā tēnei i mate ia ki te rapu patu hou.

I whai kaha te uri o Ngāti Porou i tēnei kia kapo i te wahanga tuarua 6-11.

I toa i a Annie ngā kēmu e ono i mua i te kapo ake a Joelle i te wahanga tuarua.

I te tuatoru kāore a Annie mō te tuohu noa.

Heoi i te mutunga iho i tau te wairua o Joelle kia toa i te wahanga tuatoru 11-9.

Ināianei ka whakarite a Joelle mō te whakataetae a motu o Aotearoa ka tu ki Ōtautahi hei te 21 o Here turi kōkā.