Kaupapa: Commonwealth Games

He haonga mētara mā te Kapa o Aotearoa inapō rā

Te Kāea
  • Ahitereiria

Āna, he pō nui mō te Kapa o Aotearoa i te nui o ngā mētara i riwha i ngā kaitākaro i ngā Whakataetae Hoawhenua, heoi anō he nui noa atu ngā hua i puta ki ngā kapa huhua o Aotearoa e pai ai ā rātau aru mētara.

Pakari ake nei te tū a te kapa wahine i hinga i a rāua te tīma o Vanuatu, rua ki te kore, i te ngā whakataetae poirewa one.  

He wikitōria nō te tokorua nei, kua eke rāua ki te ngā whiringa whānui.  Ka tākaro ki a Haipara.  

I toa te Kapa Pango Tāroaroa ki a Kānata, waru-tekau-mā-rua ki te ono-tekau.  I tēnei toanga ā rātau kua eke hoki rātau ki ngā whiringa whāiti.  

Ahakoa ngā māharahara o te marea ki Ngā Rarauhe Hiriwa i te hinganga i a Malawi, kua haukerekeretia e rātau a Kōterana, ono-tekau ki te rua tekau-mā-iwa i tā rātau tukinga ināpō.