Kaupapa: Waka Ama

He ekenga anō tā Tupuria King i te ao waka ama

Rahia Timutimu

Whai muri tana ekenga i te tūranga tekau ki te whakataetae Super Aito ki Tahiti i tērā wiki, kua whai turanga a Tupuria King ki te kapa rongonui a Paddling Connection.

E mōhiotia whānuitia a Tupuria King i te Waka Ama ki Aotearoa, ā, kātahi tonu te kaihoe takitahi toa o te motu i eke panuku i tana whakataetae whakamutunga kua taha ake nei.

i eke te uri o Ngāpuhi ki te turanga tekau i te whakataetae takitahi o Super Aito ki Tahiti, koinei tētahi o ngā whakataetae nui o te Ao mō ngā kaihoe takitahi.

E kore e mutu ngā whakanui i reira, kātahi a King i whakaae kia piri tahi me te kapa Paddling Connection ki te rēhi Katalina ki Los Angeles.

E mōhio ana ko Paddling Connection te kapa i toa i te rēhi nunui rawa o te Ao, te rēhi Hawaiki Nui Va'a, i te tau rua mano tekau mā toru.