Kaupapa: Fitness

He awhina te mahi o ngā kaitākaro whutupōro wāhine o Rangataua

Mere McLean
  • Waikato/Te Waiariki

Ka whai hua te hapori tuku kai o Tauranga na runga i ngā kaitākaro whutupōro wāhine o te karapū whutupōro o Rangataua i ngā wiki e toru e tū mai nei ka whakakao rātou i ngā koha mo te hapori. Ko te wawata o te karapū kia whai mai ētahi atu tima hākinakina ki te tautoko i ngā kaupapa ki roto i te hapori.

Mai te papa tākaro ki ngā tiriti o Tauranga Moana koinei ngā hautipua o te whutupōro. Ki tā Gavin Masey, kaiako tuarua mo Rangataua “he kāhui to mātou hei tautoko i ngā kaitākaro rangatahi ka hua mai te whakaaro kia awhina i te hapori te haere ki te hōhipera te kite i te hunga e māuiui ana ka hua mai te whakaaro ki te koha kai, ā, he nui tonu te hunga e noho ngoikore ana”. E rua ngā wā i roto o te wiki ka whakaharatau tēnei tīma ki Maungatapu, hei reira ka kohi i ngā kai.

Hei tā Kate Hemwood “I roto i te toru wiki e whakahaere ana i tēnei kaupapa ki roto i to mātou tima heoi kaha kē ngā wāhine ki te tuku kai mai”. Nō te tau ka huri i puta te whakahau whitu tekau te hunga e noho ana ki ngā tiriti o Tauranga. Wha rau, ahakoa kāre i te noho ki ngā tiriti, kei raro i te kapua o te hunga noho kore kainga. “He uaua ki roto o Tauranga, kei te piki ake te noho kore kainga, he uaua mo ngā whānau hoki, ā, he makariri, nō reira me whai whakaaro tātau ki te awhina” ki tā Hemwood. Kei roto te tima nei i te whakataetae whutupōro wāhine o Te Moana nui a Toi. Nō te tekau mā toru o Haratua timata ai te whakataetae, ā, ka tū ngā hākinakina i ngā Rātapu.