Ngā kaupapa: ANZAC, Rugby League

He aronga hōu tā Kearney mā te kapa Kiwi

Rahia Timutimu

Kua anga te titiro a Stephen Kearney ki te whakataetae Rīki o te Ao a te tau rua mano tekau mā whitu, i te whakaingoatanga o tētahi kapa hōu hei tuki i te kapa Kangarū hei tēnei Rāmere.

E ono ngā waewae tapu ki te kapa kua whakaingoatia.  Ki ngā poumuri ko Peta Hiku o Manly me te topatahi o Penrith a Isaac John.

Ki ngā poumua ko Ben Henry me te kaikape a Siliva Havili o te kapa Warriors, te poumua nō West Tigers a Martin Taupau me Kenny Bromwhich o te kapa Melbourne Storm, rātou katoa ka eke tuatahi atu pea mā te kapa Kiwi.

Tērā anō ngā tautōhito kua whakatahahia, tokowhā nō te karapū riiki Sydney Roosters, ko Sonny Bill Williams, ka hoki atu ki te whutupōro hei tērā tau, ko Jared Waerea-Hargreaves, ko Frank-Paul Nu'uausala rātou ko Shaun Kenny-Dowall.  Kua whakatahahia hoki te paehau Warriors a Manu Vatuvei.

Ka hou mai anō a Tohu Harris, te kaitākaro i whakatahahia i tērā tau i te Ipu o te Ao kia hou mai ai a Sonny Bill Williams.

Kei Poihākena te kapa Kiwi e whakareri ana mō te tukinga hei tēnei Rāmere.